கடந்த பாகத்தைப் போலவே இந்த பாகத்திலும் நீங்கள் ஒரு சிறு வணிகத்தைத் தொடங்குவதற்கு உபயோகமான உதவிக்குறிப்புகளைப் பார்ப்போம் BNB.
1. உங்களிடம் வணிகம் தொடங்குவதற்கான பணம் இல்லை என்று கற்பனை செய்து கொள்ளுங்கள்
அதாவது ஒற்றைச் சதம் இல்லை என சிந்தித்துப் பாருங்கள். இது நடப்பதற்கான நிகழ்தகவு அதிகமாகும். இது போன்று பல வணிகங்களில் நடந்துள்ளன.
தோல்வியுற்ற வணிக யோசனையைத் தொடங்குவது பல தொழில்முனைவோருக்கு ஒரு புதிய யோசனையைத் தருகின்றது. புதிய வணிகங்களில், பாதிக்கும் மேற்பட்டவை திறக்கப்பட்ட முதல் ஐந்து ஆண்டுகளில் தோல்வியடைகின்றன. பண வருவாய் இல்லாத சந்தர்ப்பத்தில் உங்கள் வணிகத்தை எவ்வாறு கையாள்வீர்கள்?
“மோசமான விளைவு நடந்தால்” என்ற திட்டத்தை முதலிலேயே யோசிப்பது நல்லது. எதிர்பாராதவிதமாக நீங்கள் வேறு இடத்திற்கு வேலைக்குச் செல்வதானால் நீங்கள் ஏற்கனவே பழக்கப்பட்டிருக்கும் வசதியான இடத்தை விட்டுச் செல்ல வேண்டியிருக்கும். அதற்காக நீங்கள் புதிய இடத்திற்கு இசைவாக்கம் அடைய வேண்டியிருக்கும். அதே போன்று உங்கள் வணிகத் திட்டத்திலும் இழப்புகளைச் சந்திக்கும்போது நீங்கள் எவ்வாறு மீண்டு வருவீர்கள் என்பதைக் கண்டுபிடித்துக் கொள்ளுங்கள்.
உங்கள் தற்போதைய வருமான ஆதாரங்களைப் பாருங்கள். உங்கள் தற்போதைய வேலையிலிருந்து நீங்கள் என்ன சம்பாதிக்கிறீர்கள்? நீங்கள் வெளியேறினால் உங்கள் சேமிப்பு எவ்வளவு காலம் நீடிக்கும்? எதிர்பாராத விஷயங்கள் உங்கள் திட்டத்தை குழப்பக்கூடும். வணிக யோசனை செயல்படவில்லை என்றால் ஏற்படக்கூடிய எல்லா சூழ்நிலைகளுக்கும் உங்களை தயார்படுத்துங்கள்.
2. உங்கள் தற்போதைய வேலையை விட்டு விடாதீர்கள்
நீங்கள் ஒரு சிறு தொழிலைத் தொடங்க விரும்பினால், உங்கள் தற்போதைய வேலையை விட்டு விரைவாக வெளியேற வேண்டாம். வெற்றிகரமான தொடக்கத்தைத் தொடங்குவது ஒரு செயல்முறை. உங்கள் வணிகத்தை படிப்படியாக உருவாக்கிய பின் ஊழியரிடமிருந்து வெளியேறி தொழில்முனைவோராக மாறுங்கள்.
ஒரு புதிய வணிக உரிமையாளராக மாற மற்றும் நிலையான வருமானத்தை ஈட்ட சிறிது காலம் எடுக்கும். உங்கள் ஒன்பது முதல் ஐந்து மணி வரையான வேலையை விட்டு விடாதீர்கள். ஓய்வு நேரத்தில் உங்கள் சொந்த வணிகத்தின் வேலையைச் செய்யுங்கள்.
இதனால் கடினமான, முதல் கட்டங்களில் நீங்கள் உங்கள் தேவைக்காக சம்பாதித்துக் கொள்ள முடியும். உங்கள் நிறுவனத்திடமிருந்து ஆரோக்கியமான பணத்தை நீங்கள் பெற்றவுடன், வணிக உரிமையை முழு நேரமும் சமாளிக்க முடியும்.
3. உங்கள் வணிகத்தைப் பற்றி பேசுங்கள்
பல வணிக உரிமையாளர்கள் எதிர்கொள்ளும் ஒரு சவால் என்னவென்றால், விற்பனை செய்வது எவ்வாறெனத் தெரியாது. குறிப்பாக நீங்கள் வணிகத்திற்கு புதியவராக இருக்கும்போது, உங்கள் வணிகத்தை உலகத்துடன் பகிர்ந்து கொள்வது அச்சுறுத்தலாக இருக்கலாம்.
உங்கள் வணிகத்தைப் பற்றி மக்கள் என்ன நினைப்பார்கள் என்று நீங்கள் கவலைப்படுகிறீர்கள் என்றால், நீங்கள் அதை முறியடிக்க வேண்டும். உங்களிடமிருந்து வாங்கவும், உங்கள் நிறுவனத்தை ஆதரிக்கவும் நுகர்வோரை நம்பவைக்க முடியாவிட்டால், பணம் சம்பாதிப்பது கடினம். நீங்கள் வணிக வெற்றியை உண்மையிலேயே விரும்பினால் மற்றவர்களுடன் பேசுவதற்கான வெட்கத்தைத் தவிர்க்க வேண்டும்.
ஒரு தொழில்முனைவோரின் ஆரம்ப நாட்களில், முதன்முறையாக பொது இடத்தில் பேச வேண்டியிருக்கும். அத்துடன், பெரிய குழுக்களுடன் பேசுவதில் எந்த பயிற்சியும் அனுபவமும் இருக்காது. இது போன்ற மோசமான பயத்தை எதிர்கொள்ளும் யோசனையில் அதிக அக்கறை காட்ட வேண்டும்.
உங்கள் வணிகம் உங்களுக்கு சங்கடமாக இருந்தாலும், அதைப் பற்றி நம்பிக்கையுடன் பேசத் தயாராக இருங்கள். ஒரு புதிய வணிக உரிமையாளராக, நீங்கள் தொடர்ந்து உங்கள் வணிகத்தை சந்தைபடுத்த வேண்டும். வாடிக்கையாளர்களுடனான இணைப்பு முதல் உங்களுக்கு வரவிருக்கும் பணத்தின் கட்டண விதிமுறைகளை பேச்சுவார்த்தை நடத்துவது வரை, நீங்கள் தெரிந்திருக்க வேண்டும்.
4. ஒரு சிறு வணிகத்தைத் தொடங்குவதற்கான சட்டத் தேவைகளை அறிந்து கொள்ளுங்கள்
ஒரு வணிகத்தைத் தொடங்குவதற்கான விதிகளை நீங்கள் புரிந்து கொள்ள வேண்டும். நீங்கள் அரசாங்க விதிமுறைகளைப் பின்பற்றத் தவறினால் கடுமையான தண்டனைகளை சந்திக்க நேரிடும்.
சட்ட கட்டமைப்பை உருவாக்குவது முதல் கணக்கியல் அமைப்பை அமைப்பது வரை நீங்கள் சட்டங்களைப் பின்பற்ற வேண்டும். உங்கள் பிரதேசத்துடன் வணிகத்தை பதிவு செய்ய வேண்டும். குறிப்பிட்ட வரிக் கடன்களையும் நீங்கள் கவனித்துக் கொள்ள வேண்டும். நீங்கள் தொழிலாளர்களை வேலைக்கு அமர்த்தும்போது முதலாளி சட்டங்களைப் பின்பற்ற வேண்டும்.
உங்களுக்கான விதிகள் உங்கள் பிரதேசம், வணிக அமைப்பு மற்றும் தொழில் ஆகியவற்றைப் பொறுத்தது. உங்கள் நிறுவனத்தை அமைக்கும் போது ஒரு சிறு வணிக கணக்காளருடன் பேசுங்கள்.
5. ஆர்வத்தை சரியான திசையில் கொண்டு செல்லுங்கள்
ஒரு வெற்றிகரமான வணிக யோசனையின் மிக முக்கியமான பொருட்களில் ஒன்று பேரார்வம். ஆர்வமானது உங்கள் செயல்முறையை தொடர்ந்து மேம்படுத்த உங்களைத் தூண்டும், இதனால் உங்கள் வணிகம் வளரும்.
அதற்காக உங்கள் எல்லா முடிவுகளையும் ஆர்வத்தோடு எடுத்துக் கொள்ள வேண்டாம். ஆர்வம் உங்களை முன்னோக்கி நகர்த்தும், ஆனால் அறிவு உங்களை சரியான திசையில் கொண்டு செல்லும்.
உங்கள் தொழில்துறையில் சந்தை ஆராய்ச்சியை நடத்துங்கள் மற்றும் உங்கள் வணிகத்தின் திறனைக் கண்டறிய வாடிக்கையாளர்களைக் குறிவைத்து பேசுங்கள். வணிகத்தை தொடங்குவது குறித்து நிபுணர்களிடம் கேள்விகளைக் கேளுங்கள். நிதி ஆலோசகர்கள் மற்றும் வழக்கறிஞர்கள் போன்ற வணிகத்தின் சில பகுதிகளுக்கு உங்களுக்கு உதவக்கூடிய நிபுணர்களை அணுகவும்.
உங்கள் வணிகத்தை ஒன்று சேரத் தொடங்கும் போது, ஒரு காரை ஓட்டுவது போல நினைத்துப் பாருங்கள். உங்கள் ஆர்வம் வேகத்தை அதிகரிக்கும் போது உங்கள் மனம் எனும் ஸ்டீயரிங் மூலம் செல்லும் பாதையை கட்டுப்படுத்திக் கொள்ளுங்கள். அந்த வகையில், நீங்கள் செல்லும் திசையைப் பற்றி நீங்கள் நம்பிக்கையுடன் இருக்க முடியும், மேலும் நீங்கள் செல்ல வேண்டிய வேகத்தைத் தக்க வைத்துக் கொள்ள முடியும்.