எமது அன்றாட வாழ்க்கை முறை மற்றும் மரபியல் தொடர்பான பல காரணிகளும் உடல் எடையைப் பாதிக்கின்றன என்பதை நாங்கள் அறிவோம். ஆனால், ஆராய்ச்சியாளர்கள் இப்போது உங்கள் எடையைக் குறைப்பதற்கான ஆறு குறிப்பிட்ட பயிற்சிகளை அடையாளம் கண்டுள்ளனர். அவை சிறந்த பலனைத் தருவதாக கூறுகின்றனர்.
30 முதல் 70 வயதிற்குட்பட்ட 18,424 தாய்வான் பெரியவர்களின் பகுப்பாய்வின் அடிப்படையில், உடல் பருமன் அதிகரிப்பதற்கு முன்கூட்டியே தனிநபர்களில் உடல் நிறை குறியீட்டை (BMI) குறைப்பதற்கான சிறந்த வழிகளாக வழக்கமான ஜாகிங் (jogging), மலை ஏறுதல், நடைபயிற்சி, வேகமான நடைபயிற்சி, நடனம், மற்றும் நீண்ட நேர யோகாசனங்கள் ஆகியவை கண்டறியப்பட்டது.
அத்துடன் வேறு பல பிரபலமான உடற்பயிற்சி வகைகள் மரபணு ரீதியில் உடற் பருமன் அதிகரிப்பதை தடுப்பதில்லை என்று கண்டறியப்பட்டது.
குறிப்பாக, சைக்கிள் ஓட்டுதல், நீட்சி, நீச்சல் உள்ளிட்ட பயிற்சிகள் மரபணு சார்புகளை எதிர்க்க இயலாது என்று தோன்றுகிறது (இருப்பினும் வேறு பல வழிகளில் நன்மை பயக்கும்).
“உடல் பருமன் நடவடிக்கைகளில் மரபணு விளைவுகள் பல்வேறு வகையான உடற்பயிற்சிகளைச் செய்வதன் மூலம் பல்வேறு அளவுகளில் குறைக்கப்படலாம் என்பதை எங்கள் கண்டுபிடிப்புகள் காட்டுகின்றன” என்று ஆராய்ச்சியாளர்கள் தங்கள் ஆய்வறிக்கையில் வெளியிட்டுள்ளனர்.
BMI தவிர, உடலின் முழுமையான கொழுப்பு சதவீதம் (BFP), இடுப்பு சுற்றளவு (WC), மற்றும் இடுப்பின் சுற்றளவின் விகிதம் (WHR) ஆகிய மூன்று முழுமையான உடல் பருமன் நடவடிக்கைகளையும் இந்த குழு கவனித்தது.
வழக்கமான ஜாகிங் – 30 நிமிடங்கள், வாரத்திற்கு மூன்று முறை மேற்கொள்வது உடல் பருமன் மரபணுக்களை எதிர்ப்பதற்கான மிகச் சிறந்த வழியாக மாறியது.
தாய்வானின் உயிர் வங்கியின் தரவுத்தளத்தில் தோண்டிய தகவல்களின் அடிப்படையில், குறைந்த செயல்திறன் கொண்ட உடற்பயிற்சிகள் பொதுவாக அதிக சக்தியைப் பயன்படுத்துவதில்லை, அதனால்தான் அவை அவ்வளவு சிறப்பாக செயல்படுவதில்லை என ஆராய்ச்சியாளர்கள் பரிந்துரைக்கிறார்கள்.
குளிர்ந்த நீரில் நீச்சல் போன்ற நடவடிக்கைகள் மக்களின் பசியைத் தூண்டலாம் என்று ஆராய்ச்சியாளர்கள் குறிப்பிட்டனர்.
இந்த ஆய்வு அதன் முக்கிய நோக்கங்களில் ஒன்றில் வெற்றிபெற்றது. அது உடல் பருமன் சம்பந்தப்பட்ட மரபணுவைக் கொண்டவர்கள் உடல் எடை அதிகரிப்பதை தவிர்க்க முடியாது என்று அர்த்தமல்ல என்பதைக் காட்டுவதாகும். சரியான வகை உடற்பயிற்சி தவறாமல் மேற்கொள்ளப்படும்போது, அதனை எதிர்த்துப் போராட முடியும்.
“உடல் பருமன் மரபியல், வாழ்க்கை முறை காரணிகள் மற்றும் அவற்றுக்கிடையேயான இடைக்கணிப்பு ஆகியவற்றால் ஏற்படுகிறது” என்று தேசிய தாய்வான் பல்கலைக்கழகத்தைச் சேர்ந்த தொற்றுநோயியல் நிபுணர் வான் யூ லின் தெரிவித்தார். “பரம்பரை பொருட்கள் இயல்பானவை என்றாலும், வாழ்க்கை முறை காரணிகளே அதனை தீர்மானிக்க முடியும்” என்று அவர் கூறினார்.
எடை பயிற்சி, டேபிள் டென்னிஸ், பூப்பந்து அல்லது கூடைப்பந்து போன்ற நடவடிக்கைகள் கூட உதவியாக இருக்கலாம், ஆனால் அதை மதிப்பிடுவதற்கு போதுமான தரவு இல்லை.
ஆனால் உலகெங்கிலும் உடல் பருமன் எண்ணிக்கை கடுமையாக உயர்ந்து வருவதால் இந்த போக்கை மாற்றியமைக்க நடவடிக்கைகள் எடுக்கப்பட வேண்டும் என்பது தெளிவாகிறது. உலக மக்கள்தொகையில் 13 சதவீதம் பேர் இப்போது உடல் பருமனாக இருப்பதாக கருதுகின்றனர்.
உடல் பருமனாக இருப்பது இருதய நோய், சில புற்றுநோய்கள் மற்றும் பிற சிக்கல்களின் அபாயத்தை அதிகரிக்கும் விதத்தில் நமது உடலியல் ஆரோக்கியத்தை பாதிக்கிறது. மேலும், அதிக எடையுடன் இருப்பது நம் மூளையிலும் எதிர்மறையான விளைவை ஏற்படுத்தும் என்பதற்கான சான்றுகள் உள்ளன.
இந்த சமீபத்திய ஆய்வுகள் ஆரோக்கியமான எடையில் வாழ்வை கொண்டு செல்ல வழிவகுக்கிறது. சில சந்தர்ப்பங்களில், ஒரு நாளைக்கு சில நிமிடங்கள் கடினமான உடற்பயிற்சி கூட இதற்கு உதவுகிறது.
எனவே மேற்குறிப்பிட்ட இந்த ஆறு உடல் பருமன் நடவடிக்கைகள் BMI அளவை விட ஆரோக்கியத்திற்கு மிகவும் பொருத்தமானவை என ஆய்வாளர்கள் கூறுகின்றனர்.
